Чарговы канфуз Прэзідэнта Ўкраіны
Украінскія СМІ зноў кпяць з Януковіча. Падставай для жартаў стала абмоўка Віктара Фёдаравіча падчас сустрэчы з Хэрманам ван Рампэем у Кіеве. Прэзідэнт Віктар Януковіч памыліўся з назовам паўднёваафрыканскай дудкі - вувузэлы.
"Да апошняга часу ва Ўкраіне занадта захапляліся дундзеннем "у вузэль", а не якасцю самой гульні. Мы адмовіліся ад залішняй рыторыкі і засяродзіліся на дасягненні вынікаў там, дзе гэта магчыма", - заявіў Януковіч.
Прэзідэнт Рады ЕС павіншаваў таксама Прэзідэнта Ўкраіны з 60-годдзем і карыстаючыся нагодай запрасіў яго ў… клуб "Каму за 60". "Мне самому ўжо 62. Таму я сказаў Януковічу: сардэчна запрашаем у наш клуб", - сказаў Рампэй падчас прэс-канферэнцыі.
Па паведамленнях украінскіх СМІ
Комментарии
Отправить комментарий