Чэхія не будзе больш выдаваць украінцам дазвол на працу
Чэхія неўзабаве можа застацца без украінскіх працаўнікоў, а беспрацоўныя ўкраінцы не змогуць паехаць на заробкі на радзіму Швейка. З нагоды самага вялікага ў гісторыі краіны беспрацоўя, урад вырашыў часова прыпыніць выдачу дазволаў на працу замежнікам з-за межы ЕС.
Па дадзеных чэшскага Міністэрства працы, беспрацоўе ў краіне зараз дасягае 10%. Афіцыйна, адных ўкраінцаў працуе ў краіне звыш 5 тыс. Колькіх грамадзян Украіны працуе тамака нелегальна - невядома. Акрамя іх - дзесяткі тысяч малдаван, манголаў, в'етнамцаў. Таму ўрад вырашыў прыняць пратэкцыянісцкія меры – новыя працаўнікі дазволу на працу не атрымаюць, а тым, хто ўжо мае, падоўжыць дазвол будзе амаль немагчыма.
Акрамя таго, Міністэрства працы папярэдзіла працадаўцаў, што ў выпадку звальнення ўкраінца або в'етнамца, яны павінны аддаць месца чэху або гастарбайтэрам з ЕС - славакам, палякам, баўгарам або румынам.
Па паведамленнях украінскіх СМІ
Комментарии
Отправить комментарий