Брэтанвудская сістэма – форма арганізацыі грашовых зносін, якая была прыдуманая ў амерыканскім Брэтан Вудзе ў 1944 годзе. Фішка канцэпцыі - ролю сусветных грошаў разам з золатам выконвае долар.

Цяперашні фінансавы крызіс прывёў да дэфіцыту тых самых баксаў у шмат якіх краінах. Як след, іхныя палітыкі аказаліся змушаныя да перагляду прынцыпаў Брэтан Вуду і, прынамсі, стварэння новае валюты для міжнародных разлікаў. Спачатку Мядведзеў, потым Назабраеў ( ён нават прыдумаў той валюте назву “алтын”), а цяпер венесуэльскі лідэр Уга Чавес агітуюць за новы "Брэтан Вуд".

Прычым, апошні пайшоў далей за ўсіх: кажа, што такую валюту маюць стварыць краіны экспарцёры-нафты, а памеры валютных запасаў у кожнай краіне будуць роўныя яе запасам чорнага золату.

Задумка Чавеса проста цудоўная. Калі падумаць, то назва такой нафтавай валюты будзе абавязкова неяк звязаная з словам нафта. Напрыклад, як вам падабаецца “Барэль”. Вось будзе класна, калі іншыя краіны – буйныя вытворцы чагосьці - таксама створаць сваю валюту паводле падобнага прынцыпу. У абменіку можна будзе набыць такія вясёлыя валюты, як “Кока” ( Калумбія, Балівія, вытворцы какаіну), Шакаладка (Швейцарыя, Бельгія), “Півасік” (Чэхія, Германія).

Наступная тэма для разважання - ідэя прывязкі новай валюты да
існых запасаў сыравіны. Калі падумаць, то Беларусь у гэтым плане пайшла далей за ўсіх. Нашыя бабкі называюцца “зайчык”, і застаецца толькі прыраўнаць адзін рубель да аднаго вушастага, якіх у нашых лясах - хоць заліся.

Праўда, у такім разе з’явяцца новыя фактары скокаў курсу нацыянальнай валюты.

Кшталту…

Бейсбол – камандная спартыўная гульня з мячом і бітай.

Хто б мог падумаць,што бейсбол – гэта яшчэ і самы эфектны сродак супраць камунізму.

Усе эксперты па Кубе дружна адзначаюць, што Фідэль Кастра, які з-за хваробы перадаў паўнамоцтвы прэзідэнта брату Раўлю, апошнім часам не на жарт захапіўся прафесіяй спартовага каментатара. Апошнія два разы ягоная калонка ў органе кампартыі Granma выглядала як звычайны спартовы каментар на сусветны чэмпіянат з бейсболу.

Натуральна пры гэтым ён актыўна выкарыстоўвае марксісцкую рыторыку, ганьбіць прафесійны спорт, называе амерыканцаў эксплуататарамі і г.д. Аднак па сутнасці гэта ўжо не дацзыбао, а спартовая аналітыка. Так, Фідель разважае пра слабыя і моцныя бакі гульцоў, тактыку каманды і г.д.

Пакуль што палітолагі трактуюць спартовыя забабоны Фідэля як кур’ёз. З іншага боку, чаму Кастро – палітыку, вайскоўцу і дыпламату, не дадаць да сваіх рэгалій прозвішча аўтарытэтнага спартовага эксперта?

Сапраўды, ягоныя рэпартажвы адзначаліся арыгінальнасцю: “Пітчер кідае мяч. Беттер адбівае яго бітай. Гэта мяне нагадвае як мы адбілі атаку амперыканскіх наёмнікаў на Плата Херон. Мяч ляціць гэтак жа высока як тэмпы росту кубінскай гаспадаркі ў апошняй пяцігодцы і г.д.”

Другi момант: калонка Кастро выражае лінію партыі. Атрымліваецца, што адным з дасягненняў рэжыму ёсць канкрэтная тактыка гульні ў бейсбол. Цікава, ці агучываў гэты лозунг Фідэль, калі разам з Чэ былі яшчэ партызанамі?

Кшталту....