У Беларусі 2010 год абвешчаны, як вядома Годам якасці, а вось у Эстоніі - Годам чытання. Цягам ўсяго 2010 года ў розных кутках краіны будуць праходзіць акцыі з мэтаю адраджэння традыцыі чытання, якая ў апошнія гады аказалася прызабытай з-за развіцця электронных бібліятэк і Інтэрнэта
.
Адмысловая ўвага будзе нададзена бібліятэкам краіны, у якіх будуць праходзіць сустрэчы з пісьменнікамі і конкурсы чытальнікаў. У Міністэрстве культуры Эстоніі лічаць, што часцяком менавіта бібліятэка з'яўляецца адзіным цэнтрам культуры ў невялікіх населеных пунктах, таму працу бібліятэкараў цалкам можна параўнаць з асветніцкай місіяй. Плануецца таксама, што у мясцовых школах будуць адбывацца сустрэчы з сучаснымі эстонскімі пісьменнікамі, якія невядомыя частцы маладога пакалення.
Па матэрыялах эстонскіх СМІ
Комментарии
Отправить комментарий