"Прадам, альбо памяняю брата, 9 гадоў, рост 1 метр 40 см, адклікаецца на імя Тамаш. Пачатковая цана: 1 злоты". На такую аб'яву патрапіў на адным з гандлёвых парталаў жыхар мястэчка Пясэчна. І неадкладна апавясціў паліцыю.
Службоўцы дамагліся блакавання аўкцыёну і ўсталявалі, што аб'ява выслана з кампутара ў мясцовасці каля Намыслава (Апольскае ваяводства). "Справа была расцэнена сур'езна, таму што мы маглі сутыкнуцца з фактам гандлю людзьмі, што ў польскім праве з'яўляецца злачынствам" - кажа Лідзія Серадзка, спікер апольскай пракуратуры.
Расследаванне прывяло да 17-гадовага хлопца, які прызнаўся, што для жарту праз кампутар свайго бацькі змясціў такую аб'яву. Зараз расследаванне спынена. "Падлетак папрасіў прабачэння за свой дрэнны жарт" - апавядае спікер. Яго 9-гадовы брат, здаровы і спакойна ходзіць да школы.
(PAP Life)
Комментарии
Отправить комментарий