Штэфан Вялікі, легендарны малдаўскі “гаспадарь” часоў Сярэднявечча, бацька-заснавальнік малдаўскай дзяржаўнасці. Хто б мог падумаць, што ён яшчэ быў і нейкім экстрасэнсам кшталту бабкі Вангы, і адчуваў палітычныя тэндэнцыі ў будучыні.

Напярэдадні парламенцкіх выбараў 5 красавіка і 600-гадовага юбілею-святкавання малдаўскай дзяржаўнасці, маладзёвае крыло камуністычнай партыі выступіла з незвычайнай ініцыятывай - змяніць нацыянальны сцяг.

Зараз сцяг Малдовы - чырвона-жоўта-сіні трыкалор з выявай галавы зубра на жоўтай частцы. На думку камсамольцаў, досыць было б аднае галавы зубра, аднак, на чырвоным фоне. Менавіта такі сцяг, быццам, меў калісьці легендарны малдаўскі князь Штэфан Вялікі. Тое, што князь абраў дамінуючым колерам на сваім сцягу чырвоны , па словах камсамольцаў, вельмі сімвалічна. Нейкім чынам феадал адчуваў і прадказаў будучы выбар малдаван на карысць партыі Ўладзіміра Вароніна (цяперашні прэзідэнт Малдовы, лідэр кампартыі). .

Цікавая тэма. Ну, калі герб Штэфана Вялікага мае камуністычны падтэкст, то не толькі чырвоны колер, аднак і морда зубра нясе нейкую левую ідэю. Дзіўна, якім чынам зубр сімвалізуе выбар на карысць камунізму? Хіба што, ён, нейкім чынам - карова, якой лёгка кіраваць і даіць?

Увогуле, калі Штэфан быў камуністам, то ён меў бы абраць у якасці зааморфнага сімвалу краіны жывёлу, якая звязана з нейкім калектывісцкім стылем жыцця. Гэта, безумоўна, мураш. Добра ж набухаўся сярэднявечны мастак, які умудрыўся выявіць тое насякомае як быка.

Кшталту…