Каўчсёрфінг... Вынаходцам гэтай свежай турыстычнай тэхналогіі лічыцца амерыканец Кэйзі Фэнтан. І зусім, на нашую думку, несправядліва – за 50 год да таго, як пачаўся бум сусветных “абменаў начлегамі”, савецкія піянеры ўжо начавалі ў сем’ях сваіх сяброў па ўсім СССР.

Сучасны турыст-“каўчсёрфер”, выбіраючы сціплы пакой у прыватным доме замест дарагіх апартаментаў, тым самым абяцае прадаставіць уласнае жытло камусьці іншаму. На сёння, паводле колькасці рэгістрацыяў на розных інтэрнэт-старонках, рух каўчсёрфераў налічвае да 900 тыс чалавек з 231 дзяржавы.

Напярэдадні Чэмпіянату свету па футболу-2010 каўчсёрферы абяцаюць свааю падтрымку FIFA. Зараз ужо відавочна, што сціплыя гасцінічныя магчымасці паўднёваафрыканскіх Яганэсбурга, Кейптаўна і Прэторыі не ў стане задаволіць жаданні ўсіх жадаючых наведаць ПАР у часе правядзення турніраў. А іх можа набрацца да паўмільёна чалавек.

“Я бразілец і абажаю футбол”,- кажа 29-гадовы Ансэльма Закарыяс Портэс, які ўжо сёння зарэзерваваў сабе начлег у прыватным доме аднаго з шыхароў ПАР. Летась падобным чынам ён даваў сабе рады ў Вялікабрытаніі. У адказ – ягоны дом на пэўны час заняла пара з Венесуэлы, а пасля іншая, з Паўднёвай Афрыкі. Менавіта гэтыя апошнія госці і гарантавалі бразільскаму аматару футбола месца для начлегу за 500 дзён да пачатку Чэмпіянату.

Крыніца: РАР