Украіна ініцыюе часовае спыненне візавага рэжыму з Харватыяй на летні сезон. Цягам апошніх гадоў Харватыя стала любімым месцам летняга адпачынку ўкраінскіх грамадзян, а падчас крызісу Ўкраіну стала наведваць усё больш харватаў, у сувязі з чым узнікае патрэба стварэння спрыяльных умоў для развіцця турызму паміж краінамі.

Харвацкія чыноўнікі адзначаюць адсутнасць праблем, звязаных з знаходжаннем грамадзян Украіны на тэрыторыі Харватыі, і збольшага падтрымліваюць прапанову ўкраінскага боку па спрашчэнні ўезду ў Харватыю. Спыненне візавага рэжыму на летні сезон можа істотна паўплываць на кантакты паміж Украінай і Харватыяй у палітычнай, эканамічнай, культурна-гуманітарнай, турыстычнай і іншых сферах.

Адначасова, у рамках пашырэння супрацоўніцтва з Міністэрствам унутраных спраў Украіны, харвацкі бок прапануе ўвесці практыку сумеснага патрулявання прадстаўнікамі праваахоўных органаў Харватыі і Ўкраіны месцаў кампактнага адпачынку ўкраінскіх турыстаў з мэтай аказання ім аператыўнай дапамогі.

Па дадзеных статыстыкі, у 2008 годзе турыстычны струмень з Украіны знізіўся да ўзроўня 2004 года. Продажы пуцёвак на самыя папулярныя курорты - егіпецкія - скараціліся прыкладна на 40%.

(па паведамленнях украінскіх СМІ)