Аналагавае ТБ глядзяць толькі ў сельскіх раёнах Латвіі
Кампанія спадарожнікавага тэлебачання Viasat абвясціла пра вынікі даследавання сярод латвійскіх тэлегледачоў. Аказалася, што аналагавае тэлебачанне, якое пануе ў нас на Беларусі, у Латвіі глядзяць толькі 9% хатніх гаспадарак, з якіх 86% знаходзяцца па-за межамі буйных гарадоў і раённых цэнтраў. Гарадскія жыхары аддаюць перавагу лічбаваму вяшчанню.
Увогуле вядзецца пра 80 000 хатніх гаспадарстваў з якіх амаль палова размешчаная ў сельскіх раёнах Латгаліі, то бок, недалёка ад мяжы з Беларуссю. Як сцвярджае Viasat, пазітыўным можна лічыць той факт, што ў апошнія тры месяцы вырасла цікавасць людзей да пераходу на лічбавае тэлебачанне, і 91% гледачоў ведаюць пра яго.
Кіраўніцтва канала мяркуе, што гледачы прымуць рашэнне пра магчымае падключэнне толькі пасля таго, як будуць пэўныя, што аналагавае тэлебачанне ў іх дамах сапраўды адключана. Аналагавае вяшчанне плануецца адключыць у Латвіі ў першай палове чэрвеня..
Па паведамленнях латвійскіх СМІ
Комментарии
Отправить комментарий