Узровень беспрацоўя ў Латвіі б’е рэкорды. На працягу апошняга года ён вырас амаль ў два разы з 6,2% да 12,3% - гэта самыя высокія тэмпы росту сярод краін ЕС. Пра гэта сведчаць апошнія дадзеныя еўрапейскага статыстычнага бюро Eurostat. Па ўзроўні беспрацоўя Латвію ў студзені абыйшла толькі Іспанія, дзе яна склала 14,8%. У Славакіі і Літве беспрацоўе склала 9,8%, у Ірландыі - 8,8%, у Эстоніі і Вугоршчыне - 8,6%.

Увесь 2007 год, а таксама ў першай палове мінулага года Латвія ўваходзіла ў шэраг краін ЕС з самым нізкім узроўнем беспрацоўя. А ў кастрычніку мінулага года Латвія ўжо перавысіла сярэдні паказчык па ЕС.

Самае нізкае беспрацоўе ў студзені гэтага года было ў Нідэрландах - 2,8%, Аўстрыі - 4%, Даніі і Кіпры - 4,3%, Славеніі - 4,9%, Чэхіі - 5% і Люксембурзе - 5,1%. Сярэдні паказчык беспрацоўя ў ЕС у студзені складаў 7,6% у параўнанні з 7,5% у снежні.