На навагоднія святы ў Кіеве чакаецца прыбыццё больш 25 тысяч дзяцей з усіх рэгіёнаў Украіны. Пра гэта 29 снежня, паведаміў журналістам в.а. начальніка Дэпартамента грамадскай бяспекі МУС Юрый Сідэнка.

Па словах Сідэнкі, міністэрства забяспечыць суправаджэнне працаўнікамі міліцыі груп дзяцей да месцаў правядзення святочных мерапрыемстваў і ў зваротным кірунку - чыгуначным транспартам, а таксама бясплатнае суправаджэнне аўтамабілямі Дзяржаўтаінспекцыі аўтобусаў з дзецьмі. Аналагічная праца будзе арганізаваная ва ўсіх рэгіёнах Украіны.

Па звестках МУС Украіны, ў навагодніх і калядных мерапрыемствах прымуць удзел каля 10 млн. чалавек. З 31 снежня 2008 года па 1 студзеня 2009 года на тэрыторыі Ўкраіны запланавана правядзенне 3,5 тыс. навагодніх масавых мерапрыемстваў, у якіх, па папярэдніх дадзеных, прымуць удзел больш 3 млн. чалавек. 6-7 студзеня 2009 года ў больш за 14 тыс. храмаў пройдуць калядныя набажэнствы, у якіх возьмуць удзел каля 7 млн. чалавек. Усім ім трэба забяспечыць належную ахову.

У святочныя дні міліцыя будзе пераведзеная на ўзмоцненае нясенне службы. Апрача таго, плануецца далучыць да аховы войска. Да 4,5 тыс. украінскіх жаўнераў штодня будуць браць удзел ў мерапрыемствах па ахове грамадскага парадку.

(па паведамленнях украінскіх СМІ)