Энергетычны напой Red Bull блага ўплывае на сэрца і галаву спажыўцоў. У апошніх даследаваннях аўстралійскіх навукоўцаў выявілася, апроч іншага, здатнасць напою падвышаць грузкасць крыві ў арганізме, спрыяючы праз гэта ўзнікненню тромбаў.

Медыкі з універсітэту Адэлаіды ўважаюць, што спажыванне нават адной бляшанкі “Чырвонага Быка” правакуе сімптомы, падобныя да праяваў сардэчных хваробаў. Перадусім, у чалавека пачашчаецца пульс і павышаецца крывяны ціск.

Бясшкоднасць для здароўя Red Bull-ю паставіла пад сумнеў ужо мінулагодняе даследаванне амерыканцаў з Henry Ford Hospital. Паназіраўшы за студэнтамі на вечарынах, яны выявілі, што актыўныя спажыўцы напою, мяшанага з алкаголем, удвая часцей робяць сабе траўмы, чымся аматары чыстага спіртнога.

(паводле матэрыялу kopalniawiedzy.pl)