Аматарская песенька пра хаос у нядаўна адчыненым тэрмінале №5 лонданскага аэрапорта Хітроў зрабіла фурор у Інтэрнэце.
Кліп на песню пад назовам "Песня тэрмінала №5" з'явіўся на сайце YouTube. Штодня яго праглядаюць некалькі тысяч чалавек. Акрамя таго, песня з'явілася ўжо ў плэй-лістах шматлікіх радыёстанцый, а ў хуткім часе яе выпусцяць асобным сінглам.
Аўтар і выканаўца песні - новазеландзец Цім Сун, багаж якога знік падчас палёту на самалёце British Airways у 2006 годзе. Сун ляцеў на ўласнае вяселле, а ў зніклай валізцы была сукенка нявесты і гарнітур сведкі. "Багаж праўда знайшоўся за некалькі гадзін да вяселля, але гэтае вяселле стала нам у капеечку", - распавёў Сун.
Сун запісаў песню разам са сведкай на вяселлі Эндзі Бэйнсам. Сябры вырашылі запісаць песню пасля таго, як наслухаліся аповедаў пра хаос і блытаніну на новым тэрмінале ў аэрапорце Хітроў. Ахвярай тэрмінала №5 стала таксама вядомая мадэль Наомі Кэмпбэл для якой пошукі багажу скончыліся скандалам у паліцыі. (па матэрыялах РАР)
Комментарии
Збываюцца запаветы Уорхала -- кожны атрымаў права на сваен 15 хвілінаў славы. Згубіўся багаж, зрыфмаваў на гэтую тэму некалькі словаў, найграў некалькі акордаў, выклаў у сеціве - вось і слава прыйшла.
Отправить комментарий