Дрыфтынг – гэта спорт новы, небяспечны і таму забаронены. Аднак часам здараюцца шчаслівыя выключэнні. У жніўні ў польскім горадзе Лодзі адбудуцца першыя ў Еўропе гонкі дрыфтэраў у рангу чэмпіянату.

Дрыфтынг - гэта не проста гонкі па начному гораду, але гонкі з абавязковымі “заносамі” на паваротах, хаця і заносамі кантраляванымі. Аўто пры гэтым рухаецца на хуткасці больш за 100км\г. Лодзь хутка стане адзіным ва ўсёй Еўропе горадам, дзе такія гонкі атрымаюць легальны статус.

Большасць удзельнікаў новага чэмпіянату з Польшчы. Амаль штодня ўначы на вуліцах буйных польскіх гарадоў, такіх як Варшава, Лодзь, Познань, Вроцлаў, Катавіцы адбываюцца гонкі дрыфтэраў. Большасць з удзельнікаў маладыя людзі, якія далучыліся да гонак пад уплывам амерыканскага фільму “Фарсаж”.

(па матэрыялах польскіх СМІ)