У Літве пачынаецца рэформа войска. Усеагульны прызыў стане гісторыяй ужо праз 6 гадоў. У 2014 годзе літоўскае войска павінна цалкам перайсці на прафесійную аснову. Сойм Літвы ў аўторак прыняў шэраг законаў аб структуры войска.

Па інфармацыі прэс-службы літоўскага парламента, колькасць маладых людзей, пакліканых увесну ў шэрагі літоўскага войска склала 1600 чалавек. Па новым заканадаўстве ў наступным годзе колькасць навабранцаў скароціцца да 600 чалавек. Закон прадугледжвае адмену ў 2013-2014 гадах агульнай вайсковай павіннасці і пераход усяго войска да прафесійных асноваў камплектацыі.

Акрамя таго, колькасць літоўскага войска будзе паступова скарачацца. Зараз асабовы састаў салдатаў тэрміновай і прафесійнай воінскай службы, нацыянальнай гвардыі і курсантаў складаецца з амаль 16 тысяч чалавек. Да 2009 году колькасць вайскоўцаў скароціцца да 14,2 тысяч, а да 2013 году - да 13,7 тысяч чалавек.

(па паведамленнях расійскіх СМІ)