У Кіеве адбылася прэзентацыя дыску кавер-версіяў культавай хіп-хоп-каманды “ТНМК”. На дыску пад назвай “Реформатція-2” запісаныя рымейкі ад такіх папулярных украінскіх выканаўцаў, як Алег Скрыпка, Марыя Бурмака, Сафія Ратару, гуртоў “Кріхітка Цахес” і “Гуцул Каліпсо”.

Кожны з іх прапанаваў сваё бачанне выбранай песні з рэпертуру ТНМК. Прыкладам, у версіі Алега Скрыпкі песня “Пупсикі” трансфармавалася ў “Les Poup?es”, а лірычная спявачка Бурмака выканала жорсткую кампазіцыю “Арешт”.

“Калі мы рыхтавалі першы падобны альбом, то сутыкнуліся з праблемаю, што амаль ніхто не валодае майстэрствам хіп-хоп-чытання. Цяпер жа выявілася так шмат ахвочых, што мы аніяк не маглі спыніць працэс”, - распавядае лідэр ТНМК Фоззі.

Плыта фактычна складаецца з дзвюх частак. Першая з іх асобным дыскам будзе пашырацца праз музычныя крамы, другая стане даступнаю толькі інтэрнэт-слухачам.

(паводле матэрыялаў Newsru.ua )