Нобелеўскі лаўрэат Габрыэль Гарсія Маркес, як выяўляецца, не толькі раманіст, але і сцэнарыст. На свет Божы нечакана выйшаў сцэнар да мексіканскага фільма 40-гадовае даўніны, забыты ўсімі, у тым - і самім аўтарам.

Знайшоў “сякеру пад лаваю” прадусар і актор Радольфа дэ Анда, выкупляючы нядаўна правы на экранізацыю вестэрну пад назваю “Frontera” (“Мяжа”). Пра нейкі сцэнар ён ведаў яшчэ ў сярэдзіне 60-х , бо акурат тады яму прапаноўвалі здымацца ў фільме з падобнаю назваю.

Сюжэтная лінія вестэрну апісвае ўзаемадачыненні паджылога наёмніка-“пістальера” і яго маладзейшага калегі. У 60-я дэ Анда меўся граць у фільме маладога героя, а зараз бярэцца за ролю старэйшага.

Што ж тычыцца Маркеса, дык сцэнар да так і не знятага фільму калумбійскі пісьменнік стварыў, калі ягонае імя яшчэ нікому і нічога не казала. Прынамсі, да “100 гадоў адзіноты” тады заставался яшчэ 2 гады.

(паводле матэрыялу novinky.cz)