Палякі, якія выязджаюць на адпачынак за мяжу, усё часцей абіраюць гатэлі класа "усё ўключана" – вынікае з дадзеных партала Wakacje.pl. Найбольшай папулярнасцю сярод польскіх турыстаў нязменна карыстаецца Міжземнамор'е.

У першай палове гэтага года 60% інтэрнэт-карыстальнікаў, якія арганізуюць свой замежны адпачынак з дапамогаю партала Wakacje.pl., выбіралі 4- х або 5-зоркавыя гатэлі. Больш за палову (56%) турыстаў выбіралі варыянт пражывання "all inclusive", а 90 % дабіралася да месца адпачынку самалётам. Польскія турысты становяцца ўсё боле патрабавальнымі і ў залежнасці ад спосабу адпачынку, які яны могуць сабе дазволіць, жадаюць адпачываць з максімальным камфортам не адзін раз на год, “Таму ўсё большай папулярнасцю карыстаюцца прапановы з дадатковымі паслугамі”, - каментуе Магдалена Кшывавінска, дырэктар па маркетынгу партала Wakacje.pl. “Калі мы выязджаем на адпачынак у блізкія па папулярнасці краіны, мы ўсё часцей прагнем забяспечыць сабе высокі стандарт адпачынку”, - дадае яна.

У першай палове гэтага года на першых пазіцыях у рэйтынгу найболей папулярных сярод турыстаў з Польшчы краін традыцыйна размясціліся - Егіпет (34% замоваў на партале Wakacje.pl. у першым паўгоддзі 2008 году), Турцыя (13%), Грэцыя (9%) і Туніс (8%). Таксама нязменнай, хаця і меншай папулярнасцю карыстаюцца Італія, Іспанія і Балгарыя. Імкліва расце папулярнасць (прыкладна на 80%) Турцыі і Канарскіх выспаў.

(па паведамленнях польскіх СМІ)