У прынцыпе гомасексуалізм гэта форма сексуальнай арыентацыі, калі не М і Ж, а М і М. Аднак, як аказваецца, гомасексуалізм з’яўляецца цудоўным сродкам давесці нелегітымнасць палітычных рэжымаў.

У Азербайджане на гэтым тыдні адбыліся выбары прэзідэнту, на якіх зразумела перамог Ільмах Аліеў – сын папярэдняга прэзідэнта. Натуральна апазіцыя усімі сродкамі намагалася давесці замежным назіральнікам тое, што выбары нацягнутыя. Яна шукала супярэчнасці ў Выбарчым кодэксу, праводзілі маніторынг усей інфы пра выбары ў мясцовых медыя (трэба было вылічыць колькі працэнтаў эфіру атрымалі чувакі з апазіцыі, а колькі – кандыдаты з лаяльных да Аліеву партый), пісала нейкія скаргі.

Аднак для назіральнікаў з АБСЕ галоўным аргументам каб не вызнаць аказаліся не трызненні дэмакратаў. Фундаментальным доказам сталі некаторыя акалічнасці скандалу вакол інтымнага жыцця азербайджанскага артыста і спявака Фаіка Агіева.

Некалькі гадоў таму Фаік развёўся з жонкай, якая таксама спрабуе сябе на сцэне. Акурат напярэдадні выбараў былая другая палова артыста заявіла, што сапраўднай прычынай капуту яе шлюбу быў...пасіўны гамасексуалізм спадара Агіева. Апошні натуральна заявіў, што гэта поўная шыза.

Аднак джына ўжо выпусцілі з пляшкі. Напрыклад, адпаведна мясцовым традыцыям заключаць шлюб можа выключна нявінная жанчына. Такім чынам, калі Агіеў “галубы”, то жонка лагічна дасюль мае быць нявіннай. Гэта адразу дала глебу для новых чутак і правакацый. Скандал працягваецца. На прыпынках, за столікамі у кафэ, на базарах усе размовы выключна пра сапраўдную арыентацыю Агіева. Выбары ўсім да аднаго месца. Параўнаўшы - якое месца ў грамадскай палемікі займае тэма абранне прэзідэнта і тэма інтымных прыгодаў Фаіка, назіральнікі з АБСЕ адразу зразумелі: дэмакратыя ў Азербайджане поўная лухта.

Падзеі ў сонечным Азербайджане прымушаюць задумацца улады краін, дзе пануе рэжым г.з. “кантраляванай дэмакратыі” ( выбары - усяго толькі імітацыя аўтарытарнага рэжыму). Каб не дапусціць дыскрэдытацыі электаральнага працэсу улады маюць кантраляваць прыватнае жыццё артыстаў, якіх часам цягне на нетрадыцыйныя палавыя кантакты.

Кшталту