У 6-ці дзіцячых садках эстонскага Тарту раз на тыдзень дзеці займаюцца філасофіяй. Гурткі для дзяцей ад 4 да 7 гадоў вядзе універсітэцкая магістрантка Эгле Сярэ.

Папярэднія страхі бацькоў кіраўнічка гуртка пастаралася развеяць, патлумачыўшы, што пра гісторыю філасофіі, яе асноўныя паняткі і іншыя спецыяльныя рэчы размова з дзецьмі весціся не будзе. Хутчэй – пра тое, “хто мы такія і чаму мы ёсць”. А таксама – “ці могуць кветкі быць шчаслівыя”, “што такое радасць” і “чаму дарослыя маюць права рашаць”.

“Тэхнікі філасофскіх разважанняў навучаць дзяцей мысліць самастойна і лагічна, падвысяць веру ў сябе, дапамогуць лепш даваць рады ў жыцці і разумець тое, што адбываецца вонкі і ўнутры іх”, - выказалася Эгле Сярэ. Апроч іншага, паколькі у гуртках будуць весціся дыскусіі, гэта дапаможа дзеткам ўдасканаліць мову і пашырыць слоўнікавы запас.

(паводле матэрыялу delfi.ee)