Reality Show - гэта адна з формаў тэлевізійных забаўляльных шоў. Іх галоўныя характарыстыкі – прамы эфір і прынцып спаборніцтва удзельнікаў праграмы. Прыклад - “Форт Байяр”.

Прызам пераможцу звычайна служаць, як правіла, каштоўныя рэчы кшталту аўто, або грошы. А вось ў ЗША за кошт падобных шоў змагаюцца з нелегальнай эміграцыяй.

Такім чынам на адным з каналаў Штатаў пачалі трансляцыю новага Reality - “Gana lо verde” – “здабудзь зялёнае”. Пад зялёным тут разумеюцца не баксы, якія таксама маюць зялёны колер. Мова пра – “green card” (англ: зялёная картка). Зялёная картка была ўведзеная урадам ЗША для іншаземцаў. Яе ўладальнік мае права легальна жыць і працаваць ў ЗША.

Патэнцыйная аўдыторыя шоў і яго героі такіх картак не маюць, але б вельмі хацелі іх атрымаць. Яны – нелегальныя эмігранты ў ЗША з краін Лацінскай Амерыцы, якія часам не маюць ні хаты, ні працы, ні адукацыі.. Для іх – гэтая картка проста фантастыка!

Аднак шлях да атрымання за карткі не просты. Удзельнікам праграмы прапануецца прайсці шэраг канкрэтных выпрабаванняў: паскакаць з даху на дах, убегчы ад злых сабакаў, пералезці праз высокі і мур, на хуткасць праехацца на цяжкім грузавіку і г.д.

Самае цікавае, што абяцанай зялёнай карткі пераможац не атрымлівае. Ён атрымлівае добрага адваката – яго аплачвае ТБ студыя, які спрабуе легальнымі сродкамі здабыць для свайго кліента тую “verdе”.

Канцэпцыя не звычайная і зразумелая. Замест таго, каб тырыць грошы ў мінакоў і прадаваць наркотыкі – чым яшчэ заняцца беспрацоўнаму эмігранту, нелегал можа атрымаць легальны статус. Трэба толькі добра фізічна падрыхтавацца да шоў.

Аднак ёсць тут і супярэчнасць. У выпадку, калі усё мужчынскае насельніцтва лацінскіх кварталаў, пачне сістэмна рыхтавацца да удзелу у праграме – вучыцца ў тым ліку на практыцы скакаць па дахах, бегаць ад злых аўчарак, рэзультат можа атрымацца дзіўным.

Кшталту...