Кожны трэці турыст у свеце лічыць свой апошні адпачынак не вартым выдаткаваных грошаў. Зборны партрэт сучаснага падарожніка паспрабавалі шляхам апытання склаці на партале HolidayCheck.

Матэрыялам аналізу сталі 114 тыс ацэнак гатэляў, выстаўленых наведнікамі на партале з чэрвеня па кастрычнік 2008 г. Між іншым, выявілася, што ажно 20% турыстаў не параілі б сваім сябрам гатэлю, дзе спыняліся самі.

Тыповы сучасны турыст – чалавек ад 36 да 45 гадоў. Ён падарожнічае, як правіла, з партнёрам адзін-два разы на год. Найчасцей турысты наведваюць Турцыю і Егіпет.

У адпачынак з дзецьмі выяжджае толькі кожны чацверты падарожнік. Каля 30% апытаных схільныя адпачываць у ліпені месяцы, а сярэдняя працягласць знаходжання на адпачынку складае 2 тыдні.

Болей за палову наведнікаў парталу прызналася, што купляла тур праз Інтэрнэт (57%), а традыцыйны офіс бюро падарожжаў абралі 43%.

Крыніца: РАР