Модны бразільскі пісьменнік Паула Каэльё, распавядаў у інтэрв’ю брытанскай Guardian, аб сваім новым рамане “Пераможца застаецца адзін”, які ў хуткім часе павінен з’явіцца ў продажы. Літаратар вызначыў свой твор, як “застыўшы партрэт таго, дзе мы знаходзімя зараз”.

Як зазначыў пісьменнік: “Я напісаў раман у лютым мінулага году, яшчэ перад тым фінансавым калапсам. Мы страцілі кантакт з рэчаіснасцю, прастату жыцця. Гэта кніга аб тым, як мы ускладняем нашы жыцці і як маніпулююць нашымі марамі”.

Агульная колькасць выпушчаных тыражоў кніг Паула Каэльё складае 150 мільёнаў асобнікаў. Толькі раман “Алхімік” разышоўся тыражом у 35 мільёнаў копій, без уліку пірацкіх выданняў.

“Гэты ажыятаж вакол “Алхіміка” не быў штучна раздуты выдавецтвамі. Калі раман быў надрукаваны, ён не прадаваўся і мой выдавец сказаў, што кніга ніколі не разыйдзецца. Тады я падумаў, што сам знайду выдаўца. Я пачаў хадзіць ад аднаго выдавецтва да другога і вось вынік – “Алхімік” самая перакладаямая на замежныя мовы кніга пры жыцці аўтара”, - зазначыў Каэльё ў канцы інтэрв’ю.

Ад сябе дададзім, што магчыма было б лепш, каб ён застаўся сядзець дома.

(па матэрыялам брытанскіх СМІ)