У Літве адзначылі Дзень смутку і і надзеі
14 чэрвеня ў літоўскіх гарадах адзначылі Дзень смутку і надзеі ў памяць аб ахвярах акупацыі, генацыду і рэпрэсій. Мерапрыемствы, прысвечаныя 70-м угодкам акупацыі Літвы, пачаліся 9 чэрвеня і будуць доўжыцца да 16 чэрвеня.
Апоўдні ў Вільнюсе на пляцы Незалежнасці адбылася цырымонія ўзняцця сцяга, на якой прысутнічалі Прэзідэнт Літвы Даля Грыбаўскайтэ, спікер парламента Ірэна Дэгутэне, прэм'ер-міністр Андрус Кубілюс. Ад пляца Незалежнасці ўдзельнікі мітынгу прайшлі па праспекце Гедыміна да Музея ахвяр генацыду, дзе адбылася цырымонія ўшанавання памяці ахвяр акупацыі, генацыду і рэпрэсій.
Вячэрнія мерапрыемствы складаліся з гадзіны памяці ў мемарыяла на чыгуначным вакзале ў Новай Вільні, канцэрта ў падворку Цэнтра даследавання генацыду а таксама імшы ў вільнюскім Кафедральным саборы.
А 15 чэрвеня ў вёсцы Ута Варэнскага раёна, у былой памежнай заставы ўвекавечаць памяць першай ахвяры савецкага ўварвання - памежніка Аляксандраса Бараўскаса.16 чэрвеня ў зале імя 11 сакавіка пройдзе міжнародная канферэнцыя "1940 год у балтыйскіх краінах: жалезная заслона апускаецца", прысвечаная акупацыі і анэксіі балтыйскіх краін
Па паведамленнях літоўскіх СМІ
Комментарии
Отправить комментарий