Планам выдавецтва Zurnals Santa не наканавана ажыццявіцца – крызіс. Запланаваны на вясну 2009 года выхад першага нумара часопіса Playboy на латышскай мове адкладзены на неакрэслены тэрмін. Старшыня кіраўніцтва Zurnals Santa Іварс Зарыньш адзначыў, што прагнозы на год былі занадта аптымістычныя. Выдаўцы вырашылі скарэктаваць свае планы.
Выданне часопіса для мужчын па-латышску планавалася даўно, яшчэ ў 2005 годзе. Аднак па розным прычынах выданне першага выпуску пераносілася.
Па прагнозах выдаўцоў, гэты праект можа праляжаць на паліцы яшчэ пару гадоў. Амерыканскі ўладальнік брэнда Playboy паведамленне пра змены планаў успрыняў са стаічным разуменнем. У рэдакцыі запэўніваюць, што астатнія выданні Zurnals Santa будуць выходзіць як і раней.
(па інфармацыі латвійскіх СМІ)
Комментарии
Отправить комментарий