Лялька з выявай прэм'ера Літвы каштуе ўжо 10 000 літаў
Папулярнасць інтэрнэт-аўкцыёнаў расце з кожным годам. Парой яны нагадваюць вялізную барахолку без межаў, дзе можна знайсці самыя дзіўныя рэчы. Нядаўна на адным з сеткавых аўкцыёнаў з'явілася лялька ручной працы, якая вельмі падобная на…прэм'ера Літвы Андруса Кубілюса.
Лялька з выявай прэм'ера расце ў кошце як грыбы. Цана лота на інтэрнэт-аўкцыёне eBay дасягнула ўжо 4050 даляраў ЗША (10 575 літаў). Бо яшчэ раніцай 28 красавіка яна "пацягнула" усяго на $0,99 (2,55 літа), пасля абеду за яе ўжо прапаноўвалі $235 (607 літаў).
Лялька з малюнкам Кубілюса выкананая з ваты, льна і бавоўны ўручную, мае даўжыню (ці вышыню?) 24 см. У анатацыі паказана таксама, што гэта адзіны асобнік. Сам прэм'ер-міністр пакуль не выявіў жадання яе набыць, хоць і папытаў зрабіць так, каб "цана адпавядала аўтарытэту".
Па паведамленнях літоўскіх СМІ
Комментарии
Отправить комментарий