Тры гады спатрэбілася аўстрыйскаму навукоўцу Георгу Штайнхайзэру, каб адказаць на пытанне, якое хвалявала мільёны мужчынаў, што даставалі, час ад часу са свайго пупка маленькія камочкі шэрсці – адкуль бярэцца “пупковая” поўсць?

Навукоўца зрабіў сваё адкрыццё пасля вывучэння каля 503 экземпляраў пупковай поўсці, знойдзенай у сваім пупку. Хімічныя аналізы паказалі, што камочкі поўсці былі утвораны не толькі з маленькіх валокнаў тканіны . Яны так сама утрымлівалі ў сабе часцінкі адмерлай скуры, невялікую колькасць тлушчу, пот і часцінкі пылу. Навуковец мяркуе, што пупковая шэрсць пачынае фарміравацца ў невялікіх валасках, што растуць вакол пупка. Па яго словах лускаватая структура валаскоў прыцягвае мікраскапічныя часцінкі валокнаў тканіны з адзення і накіроўвае іх прама да пупка.

Георг Штайнхайзэр так сама правёў апытанне сярод сваіх сваякоў, знаёмых і калег на конт пупковай поўсць. У выніку апытання высветлілася, што калі пагаліць валаскі вакол пупка, то працэс утварэння пупковай поўсці спыніцца – але толькі да таго моманту пакуль валаскі не адрастуць зноў.

Доктар Штайнхайзэр спадзяецца, што ягонае даследаванне раз і назаўжды закрые гэтае хвалюючае пытанне. Навуцы таксама ўдалося высветліць, чаму колер пупковай поўсці часцей за ўсё сіні. Справа ў тым, што у асноўным людзі носяць цёмна-сінія ці цёмна-шэрыя нагавіцы, часцей усяго – джынсы.

(па матэрыялах брытанскіх СМІ)