У Львое адкрылася выстава ўкраінскіх гастарбайтэраў у Італіі

Першая і адзіная ва Ўкраіне выстава дакументаў, матэрыялаў, узораў прыкладнай і паэтычнай творчасці ўкраінскіх працоўных мігрантаў у Італіі адкрылася 24 чэрвеня ў Львове. Выстава месціцца ў памяшканні інфармацыйнага цэнтра па пытаннях украінска-італьянскай міграцыі Ўсеўкраінскага дабрачыннага фонду "Заклад". Выстава пад назвай “Нашы ў Італіі” адбываецца ў рамках Міжнароднага кангрэса ўкраінскай дыяспары, які таксама праходзіць у Львове.

Украіна займае чацвёртае месца ў свеце па колькасці міжнародных мігрантаў. Да традыцыйных міграцыйных маршрутаў украінцаў у Расію, Нямеччыну і Польшчу, сёння дадаліся краіны паўднёвай Еўропы: Італія і Іспанія.

Заходні рэгіён сёння з'яўляецца лідэрам ва Ўкраіне, калі вядзецца пра міграцыю ў Італію. Так, з Львоўскай вобласці выехалі 41,3% ад усей колькасці італьянскіх гастарбайтэраў, з Цярнопальскай ды Івана-Франкоўскай - 11,6%, Чарнавіцкай - 10,8%. Сярод тых, хто накіроўваецца ў Італію, шмат лекараў, педагогаў. У сярэднім, тэрмін знаходжання ўкраінцаў у Італіі - 5-6 гадоў. Украінцы выконваюць пераважна працу, якая не патрабуе высокай кваліфікацыі: 63% - апекуюцца хворымі і старымі; 18,7% - працуюць хатняй прыслугайі; 6,4% - апекуюцца дзецьмі; 2,6% - у прамысловасці; 2,1% - у сельскай гаспадарцы.

Па паведамленнях zaxid.net