Падчас выбараў ва Ўкраіне актыўнасць праяўляюць не толькі "памаранчавыя" і "блакітныя". Феміністкі з арганізацыі Femen вырашылі таксама "адзначыцца" на выбарным полі. Пяць дзяўчын уварваліся сёння да выбарнага ўчастку, дзе галасаваў Віктар Януковіч. Перад вялікай колькасцю журналістаў, дзеўчыны скінулі адзенне і разгарнулі транспаранты з заклікамі "скончыць гвалтаванне дзяржавы". Яны растлумачылі рэпарцёрам, што апошнія падзеі ў краіне могуць прывесці да знішчэння дэмакратыі.

Гэта не першая акцыя, якую ладзяць прадстаўнікі феміністычнага руху. Сябры Femen ужо зладзілі ў мінулым годзе некалькі хэпенінгаў падчас якіх стараліся звярнуць увагу СМІ на грамадскія праблемы. Так напрыклад, у кастрычніку мінулага года, аголеныя дзяўчаты зладзілі акцыю каля Вярхоўнай рады супраць сэкс-турызма пад лозунгамі "Україна - не бардэль!" і "Хочаш мяне - атрымай тры гады!".

Прадстаўнікі Femen былі выведзены з участка міліцыяй і …затрыманы для складання пратаколу.

Па паведамленнях украінскіх СМІ