У выходныя ў Вільнюсе прайшло адно з галоўных вясновых мерапрыемстваў - традыцыйны кірмаш рамёстваў Казюкас (Казюкі). Вільнюскім Казюкам ужо больш 400 гадоў, традыцыя арганізацыі кірмашоў сягае каранямі ў часы ВКЛ і звязаная з царкоўным святам у гонар святога Казіміра. Сёлета як арганізатары, так і ўдзельнікі кірмаша адзначаюць вялізны наплыў наведвальнікаў, што асабліва адчувалася ў мінулую суботу. Усяго ў святочным кірмашы Казюкас прынялі ўдзел каля 1300 гандляроў з Літвы, Польшчы, Беларусі, Латвіі, Украіны і Расіі.

Па словах арганізатараў - кампаніі Concept Event Media- такі рост лічбы ўдзельнікаў сёлета прыемна здзівіў. Кошты, дарэчы, не змяніліся з мінулага года - за гандаль на ўчастку ў 2 кв. метра трэба было заплаціць 90 літаў (за тры дні кірмаша), за месца гандлю ў 6 кв. метраў - 270 літаў.

Сур'ёзных эксцэсаў, звязаных з парушэннямі парадку гандлю на кірмашы не было зафіксавана, за яго выкананнем сачылі каля 30 асістэнтаў, якія, за гэтыя тры дня "пратапталі па 30 км". Праблемы ў арганізатараў быліз удзельнікамі з Латвіі, якія стала спрабавалі парушыць правілы і распарадак гандлю, да таго ж паводзілі сябе даволі агрэсіўна.

Акрамя праблем з латышамі сёлета на кірмашы былі адзначаныя шматлікія выпадкі зладзейства. Скаргі аб крадзяжах часта паступалі ў вільнюскую паліцыю.

Па паведамленнях літоўскіх СМІ